Dil ki taak pe diya jalaney aaun ga

Main tumko kuch yaad dilaney aaun ga



Mere dard ko tum bhi na seh pao gay

Apne ansuon se tumhein rulaney aaun ga



Shoq bohat tha jin galiyon mein basney ka

Wahin pe ek din khaak uraaney aaun ga



Mere tum se kaise kaise rishtey hain

Tumko ek baar aur bataney aaun ga



Bujh bhi jayein gi ye sansein phir bhi main

Roz tumhare naaz uthaney aaun ga



Jeetney doon ga tumhein har baazi aur phir

Apni haar ka jashan mananey aaun ga.......